خانتني الدروب
قبل ما أنت تخون ..
وتحسب أني رحت أتوب ؟!!
لا..
رحت أتعلم كيف أخون !!
وكيف أشيل الحب من قلب حنون
كيف أبني عشق من وهم وظنون ..
كيف أكذب
كيف أنصب
كيف أجني دون ما أتعب ..
كيف آخذ دون ما أعطي
وبعدها بـ أجيك ونمثل سوا
حرام واحد يلعب
والثاني يغرق بـ الهوى
خلنا على نفس المستوى ..
أكذب على نفسي قبل لا أكذب عليك
أخدعك بدمعتين ترتجيك ..
وأقول أني أنا منك وفيك
ومشاعري كلها تبيك ..
وما أقدر أعيش من غير ما أشوفك
وأسمع صوتك
وألمس كفوفك ..
لين نوصل للأخير
:
للجرح الأخير
:
للدمع الأخير
:
للبعد الأخير
:
ونختم على السالفه
.. حـبــنـــا صـــــآدق .. !!
//
//
تصدق عاد ياخلّي ..
بديت أصدق كذبتي !!
صرت أشوفك في زوايا حجرتي
صرت تسكن مهجتي
وان تعبت من الحياة وضاقت الدنيا علّي
رحت أشاهد صورتك
وأذكر أيامي معاك
لعنبو هالقلب صدقني وهواك ..
صار يجهل كل مابي ويعرفك
ومع دموعه يذرفك
ينطق اسمك لا تعب
يتصورك بين الهدب
يرفض البعد عنك ..
هو هذا الوحيد
اللي رجعني من جديد
لـ أجل أعيشك من جديد
لـ أجل أحب كذبك معك
واعشق جروحك معك ..
وان تباطيت معاتبك
رحت ادور عن سبب يزعل عيونك
ومن جديد أرجع أخونك !!
صرت اخونك حتى أثبت لك غرامي !!
حتى تفهم معنى كلامي !!
لا تقول شلون ؟!!
أنا كذا حظي معك ..
ما أشوفك الا أوقات الخصام
ولا أبتدى معك الكلام
ابدا أعبر عن شعوري
عن جنوني والغرام
عن ضياعي والهيام ..
عنك أنت
ياللي مدري شلون مني تمكنت !!
وأصبحت تمشي في عروقي
مثل دمي
مثل همي
مثل شيٍ مابغيته
ولا أحتويته
ولا شريته
درب ..
وماهقيت اني مشيته ..
اذكر ان السالفه كذبه
واذكر اني كنت ألعب
وما طرا لي اني بأتعب
ولا حسبت حساب أني أبـ شتاق
ولحالتي وقت الفراق
ياصاحبي خلّك معي
جارِ وأمسح مدمعي
والله أني احتاج لك
واشتاق لك
و أوله عليك
يعني بصراحه
//
//
أنا أبيك
الأربعاء أكتوبر 17, 2007 7:58 pm
